ठाणे : श्री चिन्मॉय मिशन आयोजित स्वित्झर्लंड मधील 03 ऑगस्ट रोजी झुरिच लेक येथे ३७ वी जागतिक जलतरण स्पर्धा पार पडली. या स्पर्धेत्‍ २६ निमंत्रित देशातील जलतरणपटू सहभागी झाले होते .
यामध्ये ठाणेकर जलतरणपटू मानव राजेश मोरे याने भारताचे प्रतिनिधित्व केले होते .
ही स्पर्धा 3 ऑगस्ट 2025 रोजी सकाळी ७ वाजता रॅपर्सविल येथून सुरू करण्यात आली, सकाळी वातावरण ११ डिग्री होते तसेच पाण्याचे तापमान त्याहूनही कमी होते . त्याबरोबरच पाऊस आणि विरुद्ध बाजूने येणारा वारा या सर्व गोष्टीवर मात करून मानव ने हे 26 किमी अंतर 7 तास आणि 38मिनिटात पूर्ण करून तृतीय क्रमांक पटकावून ठाण्यासह भारताच्या शिरपेचात मानाचा तुरा रोवला आहे.
स्वित्झर्लंड मध्ये होणाऱ्या या स्पर्धेसाठीचे निकष फार कठीण होते. या स्पर्धेत निवड झालेले जलतरणपटू सहभागी होवू शकतात. १९८७ ला ह्या स्पर्धेची सुरवात झाली असून वेटसुट ह्या केटेगरी मधे भारताला आज पर्यंत कधीच पदक प्राप्त झाले नव्हते. वेटसूट ह्या गटात मेडल मिळवणारा मानव हा प्रथम भारतीय जलतरणपटू ठरला आहे.
मानव हा ठाण्यातील महापालिकेच्या कै मारोतराव शिंदे तरण तलाव येथील स्टारफिश स्पोर्ट्स फाउंडेशन मधे दररोज रात्री ९-११ असा सराव प्रशिक्षक कैलाश आखाडे यांच्या मार्गदर्शनाखाली करीत आहे. मानवच्या या यशाबद्दल संसद रत्न खासदार श्री नरेश म्हस्के आणि ठाणे जिल्हा हौशी जलतरण संघटनेचे अध्यक्ष माननीय आमदार श्री निरंजन डावखरे साहेब यांनी मानव चे विशेष अभिनंदन केले
या उपक्रमा बद्दल वेळोवेळी महाराष्ट्र हौशी जलतरण संघटनेचे अध्यक्ष श्री आनंद माने , उपाध्यक्ष श्री राजेश मोरे, सचिव श्री राजेंद्र पालकर,ठाणे जिल्हा हौशी जलतरण संघटनेचे उपाध्यक्ष श्री धनंजय कुलकर्णी, वैभव देशमुख, ठाणे महानगर पालिका अतिरिक्त आयुक्त श्री संदीप माळवी , क्रीडा उपायुक्त सौ मीनल पालांडे, तरण तलाव व्यवस्थापक सौ प्राची डिंगणकर, उपव्यवस्थापक श्री रवी काळे यांची मदत मिळाली
