ठाणे :- 14 मे, 2025 रोजी जिल्हा आरोग्य अधिकारी कार्यालय, ठाणे येथे छत्रपती संभाजी महाराज यांची जयंती साजरी करण्यात आली. या कार्यक्रमास जिल्हा आरोग्य अधिकारी डॉ. गंगाधर परगे, जिल्हा माता व बाल संगोपन अधिकारी डॉ. स्वाती पाटील तसेच कार्यालयातील इतर अधिकारी व कर्मचारी वृंद उपस्थित होते.
कार्यक्रमाची सुरुवात छत्रपती संभाजी महाराजांच्या प्रतिमेस पुष्पहार अर्पण व अभिवादन करून करण्यात आली. यानंतर त्यांच्या अपरिमित शौर्य, निष्ठा आणि राष्ट्रनिष्ठेला उजाळा देणारे विचार डॉ. परगे व डॉ. पाटील यांनी उपस्थितांपुढे मांडले. छत्रपती संभाजी महाराजांनी स्वराज्य रक्षणासाठी दिलेले योगदान आजही प्रेरणादायी आहे, असे ते म्हणाले.
